Ku mugoroba wo kuwa 21 Gicurasi 2025 muri EP JEAN DEPAEPE mu Murenge wa Musambira bakiriye umuyobozi wa Polisi ushinzwe guhuza Polisi n’abaturage Supt. Uwanyirigira Marie Goretti. Muri iki kigo yatanze ikiganiro ku banyeshuri n'abarezi ikiganiro gikubiyemo kwirinda kunywa no gukoresha ibiyobyabwenge. Abanyeshuri basabwe kandi kwirinda impanuka bakoresha umuhanda neza, basabwe kugira isuku, ikinyabupfura no gukunda ishuri.

 Mme Mutegarugori Alice umukozi w’Ikigo cy’Urubyiruko cya Kamonyi ari kumwe n’ushinzwe urubyiruko, umuco na siporo mu Karere basuye abanyeshuri bo kuri GS Ruramba mu Murenge wa Rugalika. Baganirije mu matsinda abanyeshuri bo mu mashuri yisumbuye, babaha inyigisho yo kwirinda ibiyobyabwenge, kwirinda inda zidateganyijwe, basabwa kurangwa n'umuco kandi bagaharanira gutsinda.