Ari kumwe n’izindi nzego zifite ubuhinzi mu nshingano, Umuyobozi w’Akarere Dr. Nahayo Sylvere yatangije ku mugaragaro igihembwe cy’ihinga cya mbere. Ni gahunda yabereye mu gishanga cya Ruboroga gikora ku mirenge ya Rugalika, Mugina na Nyamiyaga. 

Kuri site y'igishanga cya Ruboroga mu Murenge wa Rugalika , niho habereye ku rwego rw’Akarere gutangiza igihembwe cy’ihinga igikorwa cyaranzwe no gutera imbuto y’ibigori kuri 130ha, gahunda ikaba yitabiriwe n'Umuyobozi wa RAB Wungirije Ushinzwe ubuhinzi Dr. Mme UWAMAHORO Florence hamwe n’Itsinda ryo ku rwego rw’Akarere ririmo n’abagize inama y’umutekano itaguye y’Akarere nabo baje kwifatanya n’abaturage gutera imbuto y’ibigori muri iki gishanga. 
 
Abahinzi basabwe kwihutisha ihinga kandi bagahinga ubutaka bwose ibihingwa byatoranyijwe, kwitabira gukoresha inyongeramusaruro zihagije no kugira  ubwishingizi bw'ibihingwa ndetse bagahinga ubutaka bwose bwagenewe guhingwa.