Hirya no hino mu Midugudu igize Akarere habereye ibirori byo kwizihiza umunsi mukuru w’Umuganura. Insanganyamatsiko y’uyu mwaka iragira iti: Umuganura, isoko y’ubumwe n’ishingiro ryo Kwigira.

Muri rusanga umunsi waranzwe kwishimira ibyagezweho ndetse no gutaha ibikorwa by’iterambere, habayeho gusangira umusaruro wabonetse, hari n’imiryango y’abatishoboye yorojwe inka muri gahunda ya Girinka munyarwanda, abana kandi bagaburiwe indyo yuzuye ndetse habaho ubusabane bwa Kinyarwanda.

Umuyobozi w’Akarere Dr. Nahayo Sylvere ari kumwe n’abayobozi b’Inzego z’Umutekano (Umuyobozi wa Polisi mu Karere, Ukuriye Urwego rw’Iperereza mu Karere, umuhuzabikorwa wa DASSO hamwe n’uhagarariye RIB w’umusigire ku rwego rw’Akarere), bifatanyije n’abatuye Umudugudu wa Ntasi mu Kagari ka Nteko Umurenge wa Mugina.
-Umuyobozi w’Akarere Wungirije Ushinzwe Ubukungu bwana Niyongira Uzziel ari kumwe n’Umuyobozi w’Inkeragutabara Lt. Col. MUGISHA Elphaz bifatanyije n’abaturage bo mu Kagari ka Ruyanza Umurenge wa Nyarubaka.