Tariki 15 Ukwakira 2025, hirya no hino mu Mirenge, abayobozi bifatanyije n’abaturage mu kwizihiza umunsi mpuzamahanga wahariwe Umugore wo mu Cyaro. Insanganyamatsiko y’uyu mwaka iragira iti:” Umugore ni uw’Agaciro”. 

Muri ibyo birori ngarukamwaka byari bigamije kongera kuzirikana uruhare rw’umugore wo mu cyaro mu iterambere ry’umuryango, muri rusange gahunda yibanze ku kumurika (Mini Expo) ibyagezweho n’abagore mu rwego rwo kwiteza imbere no kubaka umuryango, gushimira imiryango ntangarugero mu mibanire myiza no mu kwiteza imbere, kuremera imiryango y’abatishoboye no koroza imiryango ikennye no gutanga ibyemezo by’ishimwe ku bagize uruhare mu mibereho myiza n’iterambere ry’umugore.

Umuyobozi w’Akarere Dr. NAHAYO Sylvere yitabiriye umunsi mu Kagari ka Kabuga Umurenge wa Ngamba, Umuyobozi w’Akarere Wungirije Ushinzwe Imibereho Myiza yifatanyije n’abatuye Umurenge wa Rukoma.