Mu bugenzuzi bwakozwe mu Murenge wa Rukoma tariki 24 Kamena 2025 ubuyobozi bw’Akarere hamwe n’Ikigo cy’Igihugu Gishinzwe ubucukuzi bwa mine na peteroli basabye uabaturage kureka rwose ubukuzi bw’amabuye bunyuranyije n’amategeko kuko butemewe.

 Ku gicamunsi cyo kuwa kabiri, Mu Murenge wa Rukoma hakozwe ubugenzuzi buhuriweho n'inzego za RMB, Task Force y'ubucukuzi bw'amabuye y'agaciro na Kariyeri mu Karere ka Kamonyi, Ubuyobozi bw'Umurenge wa Rukoma ndetse na ITSCI (International Tin Supply Chain Initiative) ikigo gikorana na RMB mu bugenzuzi bureba ko amabuye y'agaciro acukurwa mu buryo bwemewe kugirango agurishwe ku isoko mpuzamahanga.

Iri tsinda ryari riyobowe n’Umuyobozi w’Akarere Wungirije Ushinzwe iterambere ry'ubukungu bwana NIYONGIRA Uzziel. Nyuma y'ubugenzuzi itsinda ryitabiriye inteko y'abaturage mu Kagari ka Murehe. Abaturage basabwe kuva mu bucukuzi butemewe kuko buteza impanuka kandi bukangiza ibidukikije, bagiriwe inama yo kwegera kampani zikora ubucukuzi bwemewe.