Tariki 28 Gashyantare 2025 ku Ruyenzi mu Murenge wa Runda ku gicamunsi habereye inama nyunguranabitekerezo ku ishoramariyatumiwemo abashoramari mu ngezi zitandukanye iyi nama yayobowe na Guverineri w'Intara y'Amajyepfo Madame Kayitesi Alice. Inama yateguwe n'Akarere ku bufatanye na PSF mu rwego rwo kugaragaza amahirwe ari muri Kamonyi yashorwamo imari bikagira uruhare mu iterambere ry'Akarere.
Abashoramari bagejeje  ku buyobozi bw'Akarere ibitekerezo ku mishinga minini yashorwamo imari igatanga akazi kuri benshi bityo iterambere rikarushaho kwihuta. Ubuyobozi nabwo bwagaragaje ko bwiteguye gukomeza kubaka ibikorwaremezo (amazi, amashanyarazi n'imihanda,….) kuko aribyo rufunguzo rw'ishoramari. Hagaragajwe ko hari amahirwe mu gushora imari mu bukerarugendo, kubaka ibikorwa bihuriweho ku nyungu rusange (gare routiere igeweho, amasoko ya kijyambere, Kaminiza,…). 
Iyi nama yitabiriwe na Mme Kayitesi Alice, Umuyobozi w’Akarere Dr. Nahayo Sylvere n’abagize komite nyobozi, Perezida wa PSF mu Karere bwana Munyankumburwa Jean Marie, abagize inzego z’umutekano bose bari bitabiriye iyi nama.