Hirya no hino mu Karere habaye umuganda rusange usoza kwezi kwa Mutarama 2025. Uyu muganda wahuje abaturage n’abayobozi babo wibanze ku kwita ku bikorwaremezo, gukumira ibiza, kubakira abatishoboye no kurengera ibidukikije.
Mu Mudugudu wa Rubona ku muhanda uva ku Bitaro by'Amaso mu Kagari ka Muganza ugana i Gihara mu Murenge wa Runda niho habereye ku rwego rw'Akarere umuganda rusange usoza ukwezi. Waranzwe no gusiba ibinogo no gusibura inzira z'amazi hagamijwe gutunganya uyu muhanda.
Umuganda witabiriwe n’Umuyobozi w’Akarere Dr. Nahayo Sylvere ari kumwe na VM ushinzwe imibereho myiza Mme Uwiringira Marie Josee, Umuyobozi w’inkeragutabara mu Karere Lt. Colonel Elphaz Mugisha, Umuyobozi wa Polisi mu Karere Supt. Fulgence Furaha, Umuyobozi w’Abinjira n’Abasohoka Mme Mukakalisa Chantal, abafatanyabikorwa banyuranye bose bafatanyije ibikorwa by’umuganda.
-Nyuma y’umuhanda habayeho ibiganiro byibanze ku ngingo zikurikira: Ikiganiro ku kwizihiza umunsi mukuru w’Intwari, Umutekano, Isuku n’isukura, kubungabunga ibikorwaremezo, abaturage basabwe guharanira ubumwe bwabo bityo bakabana mu mahoro.