Kuwa gatatu taliki ya 30 Nyakanga 2025, Umuyobozi w'Akarere Wungirije Ushinzwe Ubukungu bwana Niyongira Uzziel ari kumwe n’abakozi bo mu Ishami ry’ubutaka, imiturire nbikorwaremezo riyobowe na Mme Murekatete Goretti, bakoze isura ry’imishinga y’inyubako nini zihabwa impushya zo kuzubaka cyangwa ziba zikeneye kuzihabwa hagamijwe gukurikirana imyubakire n’ubujyanama ngo imishinga igende neza. 

Muri rusange gahunda yibanze ku gusura ibikorwa by’Umushinga w’ahazubakwa ibagiro rigari ry’amatungo mu Murenge wa Rugarika mu Kagari ka Sheli mu Mudugudu wa Kagangayire; abagize itsinda basuye inyubako y'ubucuruzi y’uwitwa Gatera mu gakiriro ka Bishenyi. Hasuwe kandi Umushinga w'inyubako y’ubucuruzi n'ivuriro rya RAPHA ku Ruyenzi, umushinga w'inyubako ya Warehouse y’uwitwa UWIMANA Placide mu Murenge wa Rugarika mu Kagari ka Kigese Mudugudu wa Kirega.
-Izindi ni “complexed buildings of warehouses” za M.G.K Group Ltd usanzwe ukorera muri “Special Economic Zone” akaba ari kwagura ibikorwa bye muri Kirega mu kagari ka Kigese zikaba ari umushinga mugari. 

Umuyobozi w’Akarere Wungirije, yasabye abafite iyi mishanga gukurikiza amategeko y’imyubakire, abibutsa ko unyuranyije nayo ahanwa nk’uko amategeko abiteganya, bityo ko bakwiye kureka kubaka mu kajagari. Yibukije ko rimwe na rimwe hari abagaragaza imishinga ariko nyuma bakikorera ibindi. Yabasabye kureka iyi mico kuko ari mibi ahubwo bakubaka ibijyanye n’ibyo basabiye uruhushya.