Mu Mudugudu wa Rubumba Akagari ka Ruyenzi, ku cyumweru tariki 31 Kanama 2025 hatashywe umuhanda wa kaburimbo wubatswe n’abaturage batuye mu Isibo y'Ubumwe ureshya na 615m ni umuhanda wuzuye utwaye Miliyoni 76 z’amafaranga y’u Rwanda. 

Ni umuhango witabiriwe n'Umuyobozi w'akarere ka Kamonyi Dr. Nahayo Slyvere yari kumwe n’Umuyobozi wa Police mu Karere SSP FURAHA Fulgence bakaba bakiriwe n'Umunyamabanga Nshingwabikorwa w'Umurenge wa Runda bwana Ndayisaba Jean Pierre Egide.  

Umuhango waranzwe n’ibirori byo kwishimira ibyagezweho, gutaha umuhanda, impanuro zitandukanye z’abayobozi mu gushimira abaturage ubumwe n’umurava bafite mu kwishakamo ibisubizo. Hashimiwe kandi abaturage bagize uruhare rukomeye mu iyubakwa ry’uyu muhanda bahabwa imidari y'ishimwe ndetse n'icyemezo cy’ishimwe cyahawe ubuyobozi bw’Akarere kubera inkunga bwateye abaturage muri iki gikorwa.

Ibirori byasojwe n’ubusabane hashimirwa buri wese uruhare rwe kugirango uyu muhanda ukorwe