Kuri stade ya Ruyenzi mu Murenge wa Runda habereye igikorwa cyo kwibuka ku nshuro ya 32 Jenoside yakorewe Abatutsi mu 1994. 

Umushyitsi mukuru yari Hon. Depite NYABYENDA Damien akaba yari kumwe n’abandi badepite bageni be. Ku ruhande rw’Akarere hari Umuyobozi w’Akarere Dr. Nahayo Sylvere abayobozi b’Akarere Bungirije, Visi Perezida w’Inama Njyanama y’Akarere n’abakuriye inzego z’umutekano mu Karere, inshuti n’abavandimwe baje kwifatanya n'abatuye mu Murenge wa Runda kwibuka Jenoside yakorewe Abatutsi mu 1994.


Gahunda yo kwibuka, yabanjirijwe n'urugendo rwo kwibuka kuva ku Ruyenzi ugana kuri Nyabarongo, no gushyira indabo muri uyu mugezi mu rwego rwo kunamira Abatutsi benshi bishwe bakajugunwa muri Nyabarongo.

Hatanzwe ikiganiro ku mateka ya Jenoside yakorewe Abatutsi mu 1994, ubuhamya ndetse n’ubutumwa bw’abayobozi budufasha gukomeza kwibuka abazize Jenoside yakorewe Abatutsi mu1994.