Kuwa Kabiri tariki 30 Nzeri, mu Murenge wa Rukoma hatangijwe ubukangurambaga bw'Isuku n'Isukura bufite insanganyamatsiko igira iti: TWIMAKAZE ISUKU N'ISUKURA HOSE BIBE UMUCO DUHEREYE MU MURYANGO” ubukangurambaga buzakomeza ariko by'umwihariko ibikorwa byateguwe bizakorwa mu kwezi kwahariwe kwita ku Isuku n'Isukura 30/09/2025-31/10/2025.

Ku munsi nyir’izina wo gutangiza iki gikorwa, habaye urugendo rw'ubukangurambaga, gusukura mu bigo by'amashuri n’ahandi hatangirwa serivisi, abitabiriye babyifuza kandi bujuje ibisabwa bapimwe indwara zitandura. Habayeho kandi gutanga ubutumwa ku isuku no kumenyekanisha ibikorwa byo kwibandaho mu bukangurambaga, gutoragura imyanda muri santeri y'ubucuruzi ya Taba, iki gikorwa cyagezweho ku bufatanye na Company y'Isuku AGRUNI ikusanya imyanda ikayigeze ahabugene.

Iyi gahunda yitabiriwe n’umuyobozi ushinzwe guteza Imbere ubuzima mu Karere, umuyobozi w’Umurenge wa Rukoma, inzego z’umutekano, uhagarariye Company y'isuku AGRUNI, abakozi b'Umurenge wa Rukoma, abikorera, Umuyobozi w'Ikigo Nderabuzima cya Remera Rukoma, Abagize Komite z'isuku (Umudugudu, Akagali, Umurenge) n’Abahagarariye Amadini