Mu Mirenge hashojwe amarushanwa y'umupira w'amaguru yateguwe mu rwego rw' ubukangurambaga aho abayitabiriye baganirijwe ku ngingo zikurikira: Kwishimira ibyagezweho mu myaka 30 ishize, imyiteguro y'amatora ateganyijwe muri Nyakanga 2024 no kwegeranya ibyangombwa bazakenerwa, kwitegura neza gahunda yo kwibuka ku nshuro ya 30 Jenoside yakorewe Abatutsi mu 1994.
Ku rwego rw'Akarere aya marushanwa yashorejwe mu Murenge wa Rukoma mu Kagari ka Taba ahabereye imikino  yahuje Utugari twakinnye imikino ya nyuma ku rwego rw'Umurenge wa Rukoma.
-Umuyobozi w’Akarere ka Kamonyi Dr.NAHAYO Sylvere akaba yitabiriye iyi mikino aho yasabye abitabiriye iyi gahunda gukomeza gusigasira ibyiza Igihugu cyacu kimaze kugeraho, kuzitabira amatora ateganyijwe muri Nyakanga 2024 no kuzitabira ibikorwa biteganyijwe muri gahunda yo kwibuka ku nshuro ya 30 Jenoside yakorewe Abatutsi.