Kuwa 09 Werurwe 2026, Minisitiri w’Ingabo z’u Rwanda Juvenal Marizamunda, yatangirije i Masaka ibikorwa ngarukamwaka by'Ubufatanye bw'Inzego z'Umutekano mu bikorwa byo gufasha abaturage mu mibereho myiza n'Iterambere .

Iyi gahunda yatangijwe na Minisitiri w'Ingabo Juvenal yanitabiriwe n’abayobozi mu nzego zitandukanye zaba iz’ubutegetsi bwite bwa Leta ndetse n’inzego z’umutekano, harimo Guverineri w'Intara y'Amajyepfo Mme KayitesiAlice, Umuyobozi w'Akarere Dr. NAHAYO Sylvere, abagize inama y'Umutekano itaguye y'Intara n'abandi bayobozi mu nzego za Leta n'iz'Umutekano ku rwego.

Gahunda yaranzwe no gutangiza imirimo yo kubaka ikigo gishya cy'amashuri mu rwego gukemura ikibazo cy'ubucucike bw'abanyeshuri mu bigo byo muri uyu Murenge wa Rugalika.
Ibikorwa biteganyijwe ni inyubako z’Ibyumba 10 by'amashuri, Laboratoire ya Science, ibiro by'ubuyobozi bw'Ishuri, icyumba cy'Umukobwa, ubwiherero 24. Insanganyamatsiko y'ibikorwa by’uyu mwaka iragira iti: ubufatanye bw'abaturage, ingabo na Polisi by'u Rwanda mu bikorwa byo kwizihiza kwibohora ku nshuro ya 32.