Ku biro by’Umurenge wa Rugalika tariki 29 Ugushyingo 2023 hateraniye inama y'umutekano iyi nama ikaba yanitabiriwe n’itsinda ry’abagize inama y'umutekano itaguye y'Akarere ryari riyobowe n'Umuyobozi w'Akarere Wungirije Ushinzwe Ubukungu bwana NIYONGIRA Uziel bakiriwe n'Umukozi Ushinzwe imari n'ubutegetsi bwana NDAYISENGA Frederic.

Hagarutswe ku kurebera hamwe uko umutekano wifashe muri rusange n’ingamba zo gukomeza kuwubungabunga. Kuri iyi ngingo abitabiriye basabwe gukomeza ubufatanye hagamijwe gukumira ubujura by’umwihariko bwibasiye amatungo (inka). Umuyobozi w’Akarere Wungirije yasabye ko habaho gukora amarondo ku buryo bunoze kandi akagenzurwa neza kuko irondo riramutse rikozwe nta bujura bwabaho.

Uretse iki kibazo cy’ubujura, muri iyi nama kuri gahunda zihutirwa zikeneye ubukangurambaga (mutuweli, Ejo Heza, hagarutswe ku isuku n’isukura ndetse abayobozi bose bitabiriye bibukijwe ko bafite uruhare rukomeye mu gukumira imiturire y’akajagari muri iki gice cy’Umujyi kugira ngo ubutaka bukoreshwe neza kandi icyo bwagenewe.

Hafashwe imyanzuro iganisha ku kubumbatira umutekano, abitabiriye biyemeje kwirinda imiturire y'akajagari biyemeje kandi no kurwanya ruswa n’akarengane.