Abayobozi mu nzego zitandukanye mu Murenge wa Rugalika basabwe gukomeza ubufatanye mu ikemurwa ry’ibibazo bikibangamiye imibereho myiza y’abaturage, kuko nibwo bizaranduka burundu. Ibi umuyobozi w’Umurenge bwana Nkurunziza Jean de Dieu yabisabye abakozi bakorana mu nama yamuhuje nabo kuwa 14.05.2025 

Ni inama yaguriwemo Abanyamabanga Nshingwabikorwa b'Utugari iyobowe ikaba yaragarutse ku gusuzuma aho icyemurwa ry'ibibazo bibangamiye imibereho myiza y'abaturage bigeze umwaka wa 2024-2025, gusuzuma urutonde rushya(New profiling) no gutegura igikorwa cy' ubugenzuzi ku bikorwa byakozwe no gusura abagifite ibibazo bigomba gukemurwa(new profiling).

Hari hatumiwe Umuhuzabikorwa wa DASSO mu Murenge, Uhagarariye inkeragutabara ku Rwego rw'Umurenge, abakozi b'Umurenge baba muri taskforce ya HIS, abayobozi b'ibigo by'amashuri, abanyamabanga Nshingwabikorwa b'utugari, umukozi ushinzwe ibikorwa by'abajyanama b'ubuzima ku Kigo nderabuzima cya Kigese, umukozi ushinzwe imirire n'imikurire ku Kigo nderabuzima cya Kigese