None kuwa 17 Ukwakira 2025, Umuyobozi w’Akarere Dr. NAHAYO Sylvere yakiriye itsinda ry’abayobozi n’abakozi  ba RFI, aricyo Kigo cy’u Rwanda cy’Ibimenyetso bya Gihanga Bikoreshwa mu Butabera.

Ni itsinda ryari riyobowe na Dr. Justin KABERA  wari uhagarariye Umuyobozi Mukuru wa RFI bakaba baje mu bukangurambaga bwa SOBANUKIRWARFI2025 bugamije kumenyekanisha ibikorwa na serivisi batanga.

Ni ubukangurambaga bwitabiriwe n’umuyobozi w’Akarere Wungirije Ushinzwe Ubukungu bwana NIYONGIRA Uzziel, hari hatumiwe abayobozi mu nzego z’ibanze, abagize inama y’umutekano itaguye y’Akarere, inzego z’ubutabera, abakozi b’ibigo by’ubuvuzi n’ibindi byiciro bitandukanye bari batumiwe baturutse hirya no hino mu Mirenge.