Tariki 28 Mata 2025 mu Murenge wa Nyarubaka habereye igikorwa cyo kwibuka  ku nshuro ya 31 Jenoside yakorewe Abatutsi mu 1994. Iyi gahunda yabimburiwe no kunamira ndetse no gushyira indabyo ku kimenyetso cy'amateka ku Gitega ahiciwe abana b'abahungu basaga 100.
Iyi gahunda yitabiriwe n’Umuyobozi w’Akarere Wungirije Ushinzwe Ubukungu bwana Niyongira Uzziel, perezida wa IBUKA mu Karere ka Kamonyi bwana Benedata Zacharie, abagize inzego z'umutekano mu Karere, Abayobozi b'imirenge ya Nyamiyaga Musambira na Rukoma, abafatanyabikorwa batandukanye.

Muri iyi gahunda hatanzwe ikiganiro kivuga amateka ya Jenoside yakorewe Abatutsi mu 1994 n'uburyo yateguwe, hatanzwe n'ubuhamya bugaragaza itotezwa n’ubwicanyi bwakorewe Abatutsi uko ubutegetsi bwagiye busimburana mu gihe cyashize, ubu buhamya bwatanzwe na Mme Mukandebe Laurence.