Mu Murenge wa Nyarubaka habereye igikorwa cyo kwibuka ku nshuro ya 32 Jenoside yakorewe Abatutsi mu 1994.
Umushyitsi mukuru yari Umuyobozi w'Akarere ka Kamonyi Dr.NAHAYO Sylvere ari kumwe n'abagize inama y'Umutekano itaguye y'Akarere hari kandi n’abafatanyabikorwa mu ngeri zitandukanye. 

Iki gikorwa cyitabiriwe na Komiseri ushinzwe Kwibuka mu muryango Ibuka ku rwego rw’Akarere bwana NSENGIYUMVA Eric, inshuti n’abavandimwe bari baje gufata mu mugongo abaturage b’Umurenge wa Nyarubaka.

Gahunda yabimburiwe n'urugendo rwo kwibuka no gushyira indabo ku kimenyetso cy'amateka ya Jenoside yakorewe Abatutsi mu 1994, ahiciwe abana b'abahungu basaga 100. Abitabiriye bagejejweho ikiganiro ku mateka ya Jenoside yakorewe Abatutsi mu 1994, hatanzwe ubuhamya, ubutumwa bw’abayobozi n’indirimbo z’abahanzi zidufasha gukomeza kwibuka.