Mu Murenge wa Nyamiyaga, urubyiruko rwasabwe gukura amaboko mu mifuka bakitabira umurimo, kuko aribyo bizatuma batera imbere bityo bagire n’imibereho myiza. Ni ibiganiro byategwue ku bufatanye n’umufatanyabikorwa w’Umurenge SOS, muri gahunda yo guteza imbere urubyiruko ruturuka mu miryango itishoboye ndetse rukazanigishwa imyuga; no guteza imbere abaturage botoranyijwe batishoboye batuye Murenge wa Nyamiyaga.

Umushinga SOS watangiye mu Murenge wa Nyamiyaga ugamije kuvana mu bukene no kuzamura imibereho y’abawutuye. Amahugurwa yatanzwe n’umukozi wa SOS bwana HARERIMANA Israel ari nawe ushinzwe ibikorwa by’umushinga muri Nyamiyaga.