Hirya no hino mu Mirenge ubuyobozi bw’inzego z’ibanze, inzego z’umutekano n’abaturage bifatanyije mu birori byo kwizihiza umunsi mukuru w’Intwari.

- Mu Kagari ka Ngoma Umurenge wa Nyamiyaga, ibirori byitabiriwe n'Umuyobozi Mukuru wa LODA Mme Nyinawagaga Claudine ari kumwe n'Umuyobozi w'Akarere Dr. Nahayo n’abagize inama y’umutekano itaguye y’Akarere.
-Kuri stade ya Ngoma mu Kagari ka Ngoma Umurenge wa Nyamiyaga niho habereye ku rwego rw'Akarere ibirori byo kwizihiza Umunsi Mukuru w'Intwari z'Igihugu, tuzirikana insanganyamatsiko gira iti" ubutwari mu banyarwanda, agaciro kacu''.
Ibirori by'Umunsi Mukuru w'Intwari i Nyamiyaga byabimburiwe no gutaha ku mugaragaro stade yubatswe ku bufatanye bw'abaturage n'ubuyobozi; uruhare rw’abaturage ubwabo ruri ku gipimo cya 75%, indi nkunga ikaba yaratanzwe na LODA.

-I Nyamiyaga Gahunda yaranzwe n’ubutumwa busingiza intwari z’u Rwanda, umukino w'umupira w'amaguru wahuje ikipe y'urubyiruko rw'Akarere ka Kamonyi (Kamonyi FC) n'Ikipe y'Ingabo z'Igihugu Brigade ya 411 ikorera mu Ntara y’Amajyepfo, ndetse na Athletisme.

Umuyobozi wa LODA yashimiye abaturage ku bw’uruhare rwabo mu kubaka iyi sitade nziza ibereye ijisho, avuga ko mu nama azajya agirana n’abandi bayobozi azajya atanga urugero rwiza kuri Kamonyi kubera uko bakoresheje neza inkunga nto LODA yabahaye ibindi bigakorwa n’ubwitange bw’abaturage ubwabo.

-Hatanzwe kandi ibyemezo by’ishimwe ku bagize uruhare bose mu migendekere y’iki gikorwa biganjemo abayobozi ku rwego rw’Umudugudu, Akaagari ndetse n’abafatanyabikorwa. Igikorwa cyashojwe n’ubusabane.
-Mu yindi Mirenge, VM ushinzwe ubukungu bwana Niyongira Uzziel yifatanyije n’abatuye Umurenge wa Kayumbu mu birori byabereye mu Kagari ka Busoro.
-Umuyobozi w’Akarere Wungirije Ushinzwe Imibereho Myiza we yari mu Murenge wa NGAMBA mu Kagari ka Kabuga.