Ku bufatanye bw’Akarere n’Umuryango SOS Village d’Enfants, kuwa gatatu tariki 13 Kanama mu Murenge wa Nyamiyaga urubyiruko rugera kuri 300 rwahawe amahugurwa agamije kubashishikariza kwihangira imirimo bagakura amaboko mu mifuka bagakora.
 Basabwe kwibumbira mu makoperative no gukorana n'ibigo by'imari bityo bakabyaza umusaruro amahirwe ahari.

Umuyobozi w’Akarere Wungirije ushinizwe iterambere ry’ubukungu bwana Niyongira Uzziel yitabiriye aya mahugurwa akaba yarasabye uru rubyiruko kumva ko iterambere ritagomba kwizana ko ahubwo bafite inshingano zo kuriharanira abasaba rero gukura amaboko mu mufuka bagakora.

Ibiganiro byitabiriwe kandi n’abacungamutunga ba SACCO Nyamiyaga ndetse CLECAM EJO HEZA Ishami rya Nyamiyaga na Mugina nabo bashishikarije uru rubyiruko kubagana bityo bagahabwa inguzanyo bitewe n’imishinga ihari cyangwa se bagahuzwa n’amahirwe ahari. Umuryango SOS Rwanda wari uhagarariwe na Mme Mukeshimana Marie Louise umukozi muri uyu muryango ufite mu nshingano amahugurwa no kwigisha.