Muri Ganza Motel ihererereye mu Kagari ka Nkingo mu Murenge wa Gacurabwenge habereye amahugurwa yatanzwe na Minisiteri y’Ibikorwaremezo (MININFRA ) ku bufatanye n'umufatanyabikorwa ARDE/Kubaho hagamijwe kunoza serivisi z'amazi isuku n'isukura.

Amahugurwa yari agenewe komite ya "District Wash Board" iyobowe n’Umuyobozi w’Akarere Wungirije ushinzwe ubukungu n'iterambere bwana NIYONGIRA Uzziel hamwe n'abandi bayobozi bakorera mu nzego zitandukanye.

Hanyuma y'amahugurwa kandi haganiriwe ku mbogamizi zikunze kudindiza iminogere ya service z'amazi isuku n'isukura (usanga ziri cyane ku bikorwaremezo), hanatangwa inama zatuma izo mbogamizi zikurwaho.