Kuva tariki 11/07 kugeza tariki 14/ 07 harimo igikorwa cy'isuzuma ry’imihigo y’umwaka ushize w’ingengo y’imari wa 2024/2025, amatsinda agizwe n’abakozi b’Ikigo cy’Igihugu cy’Ibarurishamibare (NISR) bari kumwe n’abakozi b’Akarere bafatanyije gusura imishinga yakozwe mu mwaka ushize harebwa niba yaragezweho.

Umuyobozi w’Akarere Dr. Nahayo Sylvere yari mu tsinda ryakoreye mu Murenge wa Kayumbu, Umuyobozi w’Akarere Wungirije Ushinzwe Ubukungu hamwe n’itsinda rya NISR basuye imishinga mu Mirenge ya Nyamiyaga na Mugina, naho Umuyobozi w’Akarere Wungirije Ushinzwe Imibereho Myiza Mme Uwiringira Marie Josee yari kumwe n’itsinda ryakoze isuzuma mu Murenge wa Karama.