Mu nama ngarukagihembwe ku ikemurwa ry’ibibazo bikibangamiye imibereho myiza y’Abaturage, Umuyobozi w’Akarere Dr. Nahayo Sylvere yibukije abayobozi bitabiriye iyi nama nyunguranabitekerezo yabereye ku Karere ko ari inshingano za buri muyobozi kizirikana ko agomba gufasha umuturage gusohoka mu bibazo afite byaba bimubangamiye. 
 

Akarere, inzego z'umutekano n'Abayobozi b'Imirenge bunguranye ibitekerezo ku ikemurwa ry'ibibazo bikibangamiye imibereho y'abaturage. Bakaba bafashe ingamba ku kubonera amacumbi abatishoboye, gukumira imirire mibi no guta ishuri kw'abana; kwirinda inda ziterwa abangavu

Muri ibi biganiro hasuzumwe ibimaze gukorwa mu mezi abiri ashize y'uyu mwaka ku gukemura ibibazo bibangamiye imibereho y’abaturage. Hafashe imyanzuro yo kwihutisha ibikorwa byo kubakira abatishoboye no gusana amazu ameze nka nyakatsi. Abayobozi ku ku bufatanye n’izindi nzego biyemeje gukomeza kubaka ubwiherero busigaye bikarangirana n'uku kwezi kwa Nzeri.

Abana bari mu mirire mibi (mu mutuku) hafashwe umwanzuro wo kubagakurikirana ku bigo nderabuzima, hemejwe kandi ko “Task Forces” z'Imirenge zigomba gukora inama n'ubugenzuzi buri kwezi, iz'Utugari kabiri mu kwezi. Mu cyumweru gitaha hemejwe ko hazaba ubugenzuzi mu Mirenge.