Tariki ya 13 Ukwakira 2024 kimwe n’ahandi mu Karere uyu munsi mu Murenge wa Ngamba hakozwe umuganda wihariye w'urubyiruko wibanze ku bikorwa byo kurwanya isuri ku musozi wa Musenyi mu kagari ka Kabuga.
Muri uyu muganda Umuyobozi w’Akarere Dr. NAHAYO Sylvere yifatanyije mu iki gikorwa n’urubyiruko rwo mu Murenge wa Ngamba muri uuy muganda wihasirye wo kurengera ibidukikije. Yari kumwe n’umuhuzabikorwa w’Inama y’igihugu y’urubyiruko mu Karere bwana Hagenimana Felix, umuhuzabikorwa w’urubyiruko rw’abakorerabushake, ubuyobozi bw’Umurenge wa Ngamba n'abandi bayobozi mu nzego zitandukanye z'urubyiruko mu karere ndetse no ku Murenge.
Ngamba hakozwe imirwanyasuri ku buso bungana na 3Ha.

Nyuma y'umuganda abawitabiriye bahawe ibiganiro bikurikira: gushishikariza urubyiruko kubungabunga ibidukikije, gusobanurira urubyiruko gahunda y'ukwezi k'ubukorera bushake, ikiganiro ku kwirinda indwara z'ibyorezo Mpox ndetse na Marburg, ndetse abaturage bakanguriwe gukomeza kwicungira umutekano hakumirwa ibyaha.