Tariki 10 Kamena 2025, Itsinda Abakozi b’Ikigo cy’Igihugu Gishinzwe Ubuzima-(RBC-Rwanda Biomedical Centre), rigizwe na Mme Alice  BAGWIRE, bwana IMFURA Cady Carine na Prospere NSENGIYUMVA basuye Umurenge wa Musambira Akagari ka Karengera mu bukangurambaga ku gukumira ibyorezo.
 Nyuma y’ubutumwa bwatanzwe hakoreshejwe sonomobile yanyuze mu Mirenge Runda, Rugalika, Gacurabwenge, Nyarubaka na Musambira, aba bakozi ba RBC bitabiriye inteko mu Kagari ka Karengera batanga ubutumwa ku kwirinda ibyorezo biterwa n'umwanda harimo amatembabuzi no gukoranaho, by’umwihariko bagakumira icyorezo cy’ubushita bw’inkende-MPOX.