Tariki 25 Kamena 2025, i Gihogwe mu Murenge wa Musambira Umuyobozi w'Akarere Wungirije ushinzwe iterambere ry'ubukungu bwana NIYONGIRA Uzziel, Abakozi b’Ikigo cy’Igihugu cy’amakoperative, Umuyobozi wa Polisi sitasiyo ya Musambira, Umuyobozi w'ishami ry'ubucuruzi n'iterambere ry'Umurimo mu Karere, Umukozi ushinzwe ubuhinzi mu Karere bari kumwe n’abakozi bafite mu nshingano amakoperative mu Mirenge ya Musambira na Karama n’umuhuzabikorwa w’Urwego DASSO mu Murenge wa Musambira, bitabiriye Inteko rusange idasanzwe ya koperative CODARIKA AMIZERO.

Ni inteko rusange  yasomewemo ibyavuye mu isesengura ry'ibibazo biri muri koperative ryakozwe k'ubufatanye n'Ikigo cy'Igihigu gishinzwe amakoperative (RCA) n'Akarere ka Kamonyi.

Hari kandi gahunda yo gutora abayobozi b'Inzibacyuho kuko abasanzwe bayobora koperative manda yabo yarangiye.
-Raporo y'isesengura ishingiye ku ngingo zirindwi arizo: kutumvikana mu buyobozi bwa Koperative,imikoreshereze mibi y'ubutaka, uburyo bwo gusarura umuceri butanoze, gahunda yo gusana ibikorwaremezo byangiritse n’imicungire y’abanyamuryango ba koperative. 

Akarere hamwe na RCA bagiyeyo kugira ngo ibi bibazo bihari bikemurwe bityo koperative yongere ifashe mu mibereho myiza n’iterambere ry’abanyamuryango bayo kandi ku buryo inyungu zisaranganyijwe.