Mu Murenge wa Musambira habereye igikorwa cyo kwibuka ku nshuro ya 31 Jenoside yakorewe Abatutsi mu 1994. Ku rwego rw’Akarere iyi gahunda yitabiriwe n'Umuyobozi w'Akarere Wungirije Ushinzwe iterambere ry'Ubukungu bwana NIYONGIRA Uzziel, ari nawe wari Umushyitsi Mukuru.

Iki gikorwa cyabereye i Bitsibo mu Kagari ka Rukambura cyitabiriwe kandi n'Umuyobozi w’Akarere wungirije ushinzwe imibereho myiza Mme UWIRINGIRA Marie Josee, Visi Perezida wa IBUKA ku rwego rw'Akarere, abahagarariye inzego z'umutekano mu Karere ka Kamonyi, Abanyamabanga Nshingwabikorwa b'Imirenge ya Karama, Kayenzi, Kayumbu, Mugina, Ngamba, Nyarubaka, Rugalika, Rukoma na Runda, abafatanyabikorwa batandukanye n'abaturage b'Umurenge wa Musambira n'inshuti n’abavandimwe bifatanyije n’abaturage b’i Musambira kwibuka abazize Jenoside yakorewe Abatutsi mu 1994