Mu Murenge wa RUGALIKA, Akagari ka Sheli Umuyobozi w'Akarere Dr. NAHAYO Slyvere yatangije Itorero n'Urugerero rw'Inkomezabigwi XIII. Ni gahunda yo ku rwego rw’Akarere yaranzwe no gushyira ibuye ry'ifatizo ahazubakwa Ishuri ry’incuke iki kigorwa kikaba kizagirwamo uruhare n’intore naho Akarere n’abafatanyabikorwa, kakazashaka ibikoresho bikenewe.

Mu rwego rwo gushyigikira imigendekere myiza y'ibikorwa by'Urugerero rw'Inkomezabigwi icyiciro cya 13, Ubuyobozi bw'Ishuri Les Rosignols riri mu Murenge wa Runda, bwashyikirije Akarere inkunga ya miliyoni 1 izunganira Akarere mu gushaka ibikenewe. 
Gahunda yitabiriwe n’abagize inama y'umutekano itaguye y'Akarere, abafatanyabikorwa, Abanyamabanga Nshingwabikorwa b'Imirenge 12 n’abatuye Umurenge wa Rugalika.

Hahurijwe intore z'Imirenge 3 ya Runda, Rugalika na Gacurabwenge. Nyuma yo gutangiza igikorwa cya KORA NDEBE hatanzwe ikiganiro ku mateka y'Itorero cyatanzwe n'Umutoza KAMALI Steven.