Tariki ya 07 Gicurasi 2025 Umuyobozi w'Akarere Wungirije ushinzwe Iterambere ry'Ubukungu Bwana NIYONGIRA Uzziel yayoboye itsinda rigizwe n'Umuyobozi wa EUCL/ ishami rya Kamonyi n'abakozi b'Akarere bo mu ishami rifite ibikorwaremezo mu nshingano aho basuye umushinga wo kubaka umuyoboro w'amazi wa Kona-Nyagisozi uri kubakwa mu murenge wa Mugina Akagari ka Nteko hagamijwe kureba uko imirimo yakwihutishwa ikarangira abaturage bakabona amazi.

Abagize iri tsinda barebye ibikenewe ngo aka gace kagerwemo amashanyarazi byihuse kugira ngo n’amazi abone kugera ku baturage. Ubuyobozi bw’Akarere bwasabye ko iki gikorwa cyakwihutishwa kuko abaturage bakeneye kubona amazi.