Tariki 26 Mata 2024, ku Rwibutso rwa Jenoside yakorewe Abatutsi mu 1994 rwa Mugina, habereye igikorwa cyo kwibuka ku nshuro ya 30 Jenoside yakorewe Abatutsi. Abayobozi, inshuti n'abavandimwe bifatanyije n'abaturage bo ku Mugina by'umwihariko kunamira Abatutsi biciwe mu cyahoze ari Komini Mugina ubu ni mu Mirenge ya Mugina na Nyamiyaga.
-Umushyitsi mukuru ni Guveneri w’Intara y’Amajyepfo Mme Kayitesi Alice, gahunda yanitabiriwe na Hon. Depite Rwaka Pierre Claver ari nawe watanze ikiganiro ku mateka ya Jenoside yakorewe Abatutsi mu 1994.

-Igikorwa cyitabiriwe kandi n’Abagize inama y’Umutekano itaguye y’Intara, Umuyobozi w’Akarere Dr. Nahayo Sylvere na bagenzi bagize komite nyobozi, inama y’umutekano itaguye y’Akarere, Abayobozi b’Uturere twa Ruhango na Bugesera,Abagize Inama Njyanama, inshuti n’abavandimwe baje kwifatanya n’abatuye hano mu Murenge wa Mugina kwibuka ku nshuro ya 30 Jenoside yakorewe Abatutsi mu 1994.
- Uru rwibutso rwa Jenoside rwa Mugina hari hashyinguye imibiri igera ku 59.122, kandi kuri uyu munsi twashyinguye imibiri 91 (harimo 73 yabonetse mu Murenge wa Nyamiyaga na 18 yabonetse mu Murenge wa Mugina). Bityo uru rwibutso rukaba ruruhukiyemo imibiri 59,213.