Mu kwezi k’Ugushyingo inteko z’abaturage zarateranye buri wa kabiri ku gicamunsi kandi zarushijeho kuba umuyoboro w’ubusabane bw’ubuyobozi n’abaturage, kumva no kwakira ibibazo byabo.
Tariki 26 Ugushyingo hirya no hino mu Tugari hateraniye inteko z’abaturage zahuje abaturage n’ubuyobozi. Muri izi nteko haganiriwe no kuri gahunda zikurikira: gukumira amakimbirane mu miryango, isuku n’isukura, gukemura ibibazo bikibangamiye imibereho myiza y’abaturage, kwicungira umutekano, gahunda ya Ejo Hueza, ubwisungane mu kwivuza no gukumira ibiza.

Umuyobozi w’Akarere n’itsinda ayoboye bitabiriye inteko y’abaturage mu Murenge wa Nyamiyaga Akagari ka Ngoma. Inteko y’abaturage i Ngoma yanitabiriwe n’Itsinda ry’abanyamakuru riyobowe na Mme Mutesi Scovia bakaba bafashije gutambutsa iyi nteko “Live”; hari kandi intumwa za Minisiteri y’ubutegetsi bw’Igihugu.
Umuyobozi w’Akarere Wungirije Ushinzwe Imibereho Myiza Mme Uwiringira Marie Josee ari kumwe na Supt. Uwanyirigira Marie Goretti ushinzwe guhuza Polisi n’abaturage bari mu Murenge wa Runda Akagari ka Gihara, naho Umuyobozi w’Akarere Wungirije ushinzwe ubukungu yitabiriye inteko mu Murenge wa Kayenzi Akagari ka Bugarama.