Tariki ya 19 Mata 2025, mu Mirenge ya Rukoma na Kayenzi, abatuye iyi Mirenge, ubuyobozi inshuti n’abavandimwe bifatanyije mu gikorwa cyo kwibuka ku nshuro ya 31 Jenoside yakorewe Abatutsi mu 1994.
Ku rwego rw’ Umurenge wa Rukoma, mu Kiryamo cy'Inzovu niho habereye igikorwa cyo Kwibuka ku nshuro ya 31 abazize Jenoside yakorewe Abatutsi mu 1994.

Iyi gahunda yitabiriwe n'Umuyobozi w'Akarere ka Kamonyi Dr Nahayo Sylvere ari nawe mushyitsi mukuru, ari kumwe n'Umuyobozi w'Akarere wungirije ushinzwe iterambere ry'ubukungu, Visi Perezida wa Ibuka mu Karere n'abagize inama y'Umutekano itaguye y'Akarere. Hari kandi Umunyamabanga w'Inama Njyanama y'Akarere n'abanyamabanga Nshingwabikorwa b’Imirenge ya Ngamba, Rugalika, Musambira, Kayumbu na Nyarubaka n'abandi bashyitsi baje kwifatanya n'abanya Rukoma.Iki gikorwa cyabanjirijwe no gushyirwa indabo kuri “Monument” yo Kwibuka yubatswe ahimuwe imibiri.

Ku rwego rw’ Umurenge wa Kayenzi i Bugarama niho habereye igikorwa cyo Kwibuka ku nshuro ya 31 abazize Jenoside yakorewe Abatutsi mu 1994, ni igiorwa cyitabiriwe n'Umuyobozi w'Akarere ka Kamonyi Wungirije ushinzwe imibereho myiza Madamu Uwiringira Marie Josee ari nawe mushyitsi mukuru, ari kumwe na Perezida wa Ibuka mu Karere, Umunyamabanga Nshingwabikorwa w’Akarere n'abagize inama y'Umutekano itaguye y'Akarere. Hari kandi abanyamabanga Nshingwabikorwa b’Imirenge ya Karama na Mugina n'abandi bashyitsi baje kwifatanya n'abatuye i Kayenzi. Gahunda yabanjirijwe n'urugendo rwo Kwibuka no gushyirwa indabo kuri “Monument” yo Kwibuka yubatswe ahimuwe imibiri.