Mu rwego rwo gukomeza gukurikirana imibereho myiza y’abaturage n’iterambere ry’umuryango nyarwanda by’umwihariko, Minisitiri w’Uburinganire n’Iterambere ry’Umuryango Dr. BAYISENGE Jeannette kuwa 03 Ugushyingo 2022 yagiriye uruzinduko rw’akazi mu Karere ka Kamonyi asura ibikorwa by’abafatanyabikorwa CEFAPEK mu Kagari ka Nkingo Umurenge wa Gacurabwenge ndetse n’Umufatanyabikorwa SEVOTA mu Kagari ka Murehe mu Murenge wa RUKOMA.

Muri Gacurabwenge, hasumwe ibikorwa bya CEFAPEK birimo ishuri "Saint Bernard TVET School" ricungwa n'Ikigo CEFAPEK (Centre de Formation Agricole de Petit Elevage de Kamonyi) aho abafite ubumuga by'umwihariko bahigira ubudozi, gusuka imisatsi n'ubundi bukorikori. Minisitiri yasuye gahunda y'uburezi budaheza muri iki Kigo cya #CEFAPEK, abana bafite ubumuga bakaba bigishwa bakanatozwa ubumenyi bunyuranye, abafite ubumuga bw’ingingo by’umwihariko bafashwa kugororwa ingingo kandi bagatozwa ubumenyi bwo mu ishuri gahoro gahoro bakagenda bamenyera ubuzima busanzwa n’ubuzima bw’ishuri n’imitekerereze yabo ikaguka igafunguka.

Mu gukomeza kubaka umuryango ushoboye kandi utekanye Min.  yagiranye ikiganiro n'abakobwa babyariye iwabo bakaba bitabwaho n'ikigo #CEFAPEK abasaba gukomera ku buzima bwabo birinda ibishuko; kandi bakita ku bana bibarutse kuko ari imbaraga z'igihugu

Mu Murenge wa Rukoma, Minisitiri n’itsinda bari kumwe basuye Irerero ryegerejwe Abaturage ryubatse mu Kagari ka Taba (Community Based ECD) mu Kagari ka Taba mu Murenge wa Rukoma mu rwego rwo kwita no gusigasira uburezi n'uburere bw'abana bato no kwita ku mikurire yabo bagaburirwa indyo yuzuye ndetse.

Mu butumwa bwe mu Murenge wa Rukoma Minisitiri yasabye ababyeyi kugira uruhare mu burezi bw'abana babo babarinda kugwingira; ababyeyi kandi basabwe kwirinda ko abana bata ishuri kuko aribo mizero y'ejo; abana nibo igihugu gihanze amaso
Hasuwe kandi n’ibikorwa bya SEVOTA (Solidarité pour l'Epanouissement des Veuves et des Orphelins visant le Travail et l'Auto promotion"), mu Kagari ka Murehe ibimaze kugerwaho n'umufatanyabikorwa binyuze mu muryango mu mushinga "Agaseke k'amahoro"

u Murenge wa Rukoma. Minisitiri Bayisenge yashimye cyane uruhare rwa SEVOTA mu kubaka amahoro arambye, kubaka ubumwe n’ubwiyunge mu banyarwanda no gukumira amakimbirane ahubwo hakimakazwa ubusabane bwo soko y’imibereho myiza n’iterambere nyakuri.

-Iyi gahunda yitabiriwe n’Umuyobozi w’Akarere Dr. Nahayo Sylvere, VM ushinzwe imibereho myiza Mme UWIRINGIRA Marie Josee, abagize inzego z’umutekano na bamwe mu bakozi b’Akarere.