Ku gicamunsi cyo kuwa 21 Mutarama 2025 nkuko bisanzwe ku wa kabiri inteko rusange z’abaturage zateranye. Ku rwego rw’Akarere inteko yabereye mu Mudugudu wa Mushimba Akagari ka Kigembe Umurenge wa Gacurabwenge, iyi nteko ikaba yitabiriwe kandi iyoborwa na Minisitiri w’Ubutegetsi bw’Igihugu Dr. MUGENZI Patrice.
Muri iyi nteko haganiriwe ku ishyirwamubikorwa rya gahunda za Leta zitandukanye (kwicungira umutekano, gukumira amakimbirane mu muryango, gukumira ubuzererezi n’ikoreshwa ry’ibiyobyabwenge, kwirinda kwiyandarika, gukumira amacakubiri ahubwo bagashyira imbere buumwe bwabo).
Habayeho kandi kwakira no gukemura ibibazo n’ibyifuzo by’abaturage.
Inteko mu Kagari ka Kigembe yitabiriwe kandi na Guverineri w’Intara y’Amajyepfo Mme KAYITESI Alice, Umuyobozi w’Akarere Dr. NAHAYO Sylvere hamwe na bagenzi be bagize komite nyobozi y’Akarere ka Kamonyi, abagize inama y’umutekano itaguye y’Akarere n’abafatanyabikorwa banyuranye.