Ku rwibutso rwa Jenoside yakorewe Abatutsi mu 1994 rwa Kamonyi mu Murenge wa Gacurabwenge habereye igikorwa cyo kwibuka ku nshuro ya 31 Jenoside yakorewe Abatutsi mu 1994.

Iyi gahunda yitabiriwe na Minisitiri Mu biro bya Minisitiri w’Intebe Ushinzwe Imirimo y’Inama y’Abaminisitiri Mme Ines MPAMBARA akaba n’imboni y’Akarere ka Kamonyi muri Guverinema.
 Hari kandi  Guverineri w’Intara y’Amajyepfo Mme Kayitesi Alice na bamwe mu bagize inteko ishinga amategeko y’u Rwanda. Iki gikorwa cyitabiriwe na Major General Vincent GATAMA Umuyobozi w'ingabo mu Ntara y'Amajyepfo, Umuyobozi wa Polisi Wungirije mu Ntara y’Amajyepfo, Umunyamabanga Mukuru wa RPF Inkotanyi Hon.GASAMAGERA Wellars, Komiseri mu Muryango Ibuka ku rwego rw'Igihugu, Umuyobozi w’Akarere n'abandi bagize komite nyobozi y'Akarere, abagize inama y'umutekano itaguye y'Akarere n'abandi bayobozi mu nzego zinyuranye bifatanyije n'abatuye Umurenge wa Gacurabwenge mu gikorwa cyo kwibuka.

Hatanzwe ikiganiro ku mateka ya Jenoside yakorewe Abatutsi cyatanzwe na Amb. NGARAMBE Francois, abitabiriye banagejejweho ubuhamya bw’uwarokotse Jenoside yakorewe Abatutsi. Uyu munsi kandi hashyinguwe mu cyubahiro mu rwibutso rwa Kamonyi, imibiri 5 y'Abazize Jenoside yakorewe Abatutsi mu 1994.