Tariki ya 13 Mutarama 2025, Minisitiri w’Ubumwe bw’Abanyarwanda n’Inshingano Mboneragihugu Dr. Bizimana Jean Damascene yatangije ku rwego rw’Igihugu Ibikorwa by’Urugerero rw’Inkomezabigwi Icyiciro cya 12. Ni gahunda yabereye mu Murenge wa Runda Akagari ka Kabagesera.

Igikorwa cyaranzwe no gushyira ibuye ry’ifatizo ahazubakwa isoko rigezweho rito, ECD ndetse n’icyumba mpahabwenge (ICT ROOM) mu Mudugudu wa Bwirabo Akagari ka Kabagesera. Habayeho kandi kwakira imihigo y’Intore zinjiye ku rugerero mu bikorwa by’ubwitange byo kwiyubakira Igihugu.

Gahunda yitabiriwe na Guverineri w’Intara y’Amajyepfo Mme Kayitesi Alice, Umuyobozi wa JADF ku rwego rw’Akarere bwana SEMUGAZA Tharcisse, abagize inzego z’umutekano, abagize komite nyobozi y’Akarere, ababyeyi n’abafatanyabikorwa banyuranye bitabiriye iki gikorwa.