Ku wa mbere tariki 08 Nzeri 2025, nibwo mu gihugu hose hatangiye umwaka w’amashuri wa 2025/2026. Ku rwego rw’Akarere umwaka w’amashuri watangirijwe mu Murenge wa Gacurabwenge ku Kigo cy’Amashuri Abanza cya Gihinga mu Murenge wa Gacurabwenge. Nyuma yo gutangiriza umwaka muri EP Gihinga, umuyobozi w’Akarere yakomereje no mu bindi bigo areba uko itangira ry’amashuri rihagaze, iki gikorwa kikaba cyaranabaye hirya no hino mu Mirenge ku bufatanye n’ubuyobozi bw’Imirenge.

.Muri rusange abagize komite nyobozi bari kumwe n’abakozi b'Imirenge barebwe ubwitabire bw'abana ku mashuri, kubahiriza isaha nshya y'itangira ry'amasomo n'iyubahirizwa ry'impinduka nshya mu burezi . Harebwe kandi isuku mu mashuri, mu bwiherero no mu bikoni, uko hasanwe inyubako zangiritse, Imicungire ya Stock ndetse n'inkwi, habayeho no kuganira n'abanyeshuri bibutswa ko kwiga arizo nshingano zabo.

Twibutse ko Umuyobozi w’Akarere Dr. Nahayo Sylvere yakurikiranye itangira ry’amashuri mu Murenge wa Gacurabwenge naho Umuyobozi w’Akarere Wungirije  Ushinzwe Imibereho Myiza yakurikiranye itangira muri bimwe mu bigo by'amashuri mu Murenge wa Rugalika.