Tariki ya 2 Kanama 2024 hirya no hino mu Mirenge igize Akarere ka Kamonyi, abayobozi, abaturage, inzego z’umutekano n’abafatanyabikorwa bafatanyije kwizihiza umunsi w’Umuganura. Insanganyamatsiko y’uyu mwaka iragira iti” Umuganura isoko y’Ubumwe n’Ishingiro ryo kwigira. Tuganure dushyigikira gahunda yo kugaburira abana ku ishuri”.
Mu Kagari ka Masaka mu Murenge wa Rugalika niho habereye ku rwego rw’Akarere ibirori by'Umuganura, byitabiriwe n' Umuyobozi w’Akarere Dr. NAHAYO Sylvere ari kumwe na bagenzi be bagize komite nyobozi y'Akarere,abagize inama y’umutekano itaguye y’Akarere, abafatanyabikorwa n'abatuye aka Kagari.
-Abaturage bibukijwe kuganura banashyigikira gahunda yo kugaburira abana ku ishuri hamuritswe ibyagezweho  uyu munsi twishimira birimo: ikoranabuhanga mu ngeri zose, guteza imbere imiturire. Ubuhinzi butanga umusaruro ufatika.

Ibi birori byo ku rwego rw'Akarere byabereye i Masaka mu Murenge #Rugalika, byabimburiwe no gutaha ku mugaragaro umuyoboro w'amazi wubatswe mu rwego rwo guha amazi meza abatuye Umurenge wa Rugalika. Hatashywe kandi Ibiro by'Umudugudu wa Rugarama mu Kagari ka Masaka.