Kuwa 27 Werurwe 2026 biro by’Akarere habereye inama nyunguranabitekerezo yitabiriwe n’ibyiciro bitandukanye yateguwe ku bufatanye bw’Akarere na Komisiyo y’igihugu ishinzwe gusubiza mu buzima busanzwe abahoze ari abasirikari (RDRC). 

Ni ibiganiro byitabiriwe na Maj.Generel (Rtd) Jacques NZIZA Visi Perezida wa Komisiyo y’Igihugu ishinzwe Demobilization (RDRC), komiseri muri iyi komisiyo madame Muhongayire Jacqueline, aba bashyitsi bakiriwe n’Umuyobozi w’Akarere Dr. NAHAYO Sylvere.

Muri ibi biganiro byitabiriwe n’abahoze ari abasirikari bahagarariye abandi, abayobozi mu ngeri zitandukanye, mu biganiro byakozwe mu matsinda hagarutswe ku ruhare rw’inzego z’ibanze mu gusubiza mu buzima busanzwe abahoze ari abasirikare batashye, uruhare rw’abatashye mu gushishikariza bagenzi babo bari mu mashyamba ya DRC gutaha bagafatanya n’abandi kubaka u Rwanda.