Ku rwibutso rwa Jenoside yakorewe Abatutsi mu 1994 rwa Mugina, habereye igikorwa cyo kwibuka ku nshuro ya 32 Jenoside yakorewe Abatutsi mu 1994. By'umwihariko twibutse Abatutsi benshi biciwe mu cyahoze ari Komini Mugina, no mu nkengero zaho mu gihe cya Jenoside yakorewe Abatutsi mu 1994.

Igikorwa cyaranzwe no gushyingura mu cyubahiro imibiri 5 yabonetse y'abazize Jenoside yakorewe Abatutsi mu 1994, iyi mibiri ikaba yashyinguwe mu rwibutso rw'Akarere rwa Jenoside yakorewe Abatutsi mu 1994 rwa Mugina.

Abitabiriye bagejejweho ikiganiro ku mateka ya Jenoside yakorewe Abatutsi mu 1994, hatanzwe ubuhamya, ubutumwa bw’abayobozi n’indirimbo z’umuhanzi zidufasha gukomeza kwibuka. 

Gahunda yitabiriwe na Minisitiri w’Ubutegetsi bw’Igihugu (MINALOC) bwana HABIMANA Dominique na Guverineri w’Intara y’Amajyepfo Mme KAYITESI Alice. Hari kandi Mme MANIRARORA Annoncee komiseri mu muryango IBUKA ku rwego rw’Igihugu, intumwa za rubanda mu nteko ishinga amategeko, Umuyobozi w’Akarere Dr. NAHAYO Sylvere, abagize inzego z’umutekano, abafatanyabikorwa b’Akarere, inshuti n’abavandimwe bari baje kwifatanya n’abatuye Umurenge wa Mugina mu gikorwa cyo kwibuka.