Umuyobozi w’Akarere Dr. Nahayo Sylvere yakiriye itsinda ry’intumwa zaturutse mu buyobozi bw’ibihugu bya Benin na Cote d’Ivoire. Uru ruzinduko rwateguwe ku bufatanye n’umuryango Care International mu rwego rwo kureba uko u Rwanda rwashyize mu bikorwa ingamba zikubiye mu cyerecyezo 2020 zigamije kwikura mu bukene (Vision 2020 Umurenge).
Mu Murenge wa Musambira aba bashyitsi barebye uko ibimina bifasha abaturage mu kwiteza imbere no kuzamura imibereho myiza yabo. Banarebye kandi uko inguzanyo za VUP FS ziteza imbere abaturage. Itsinda ryari riherekejwe na VM ushinzwe imibereho myiza y'abaturage Mme Uwiringira Marie Josée.