Mu Murenge wa Karama, ku rwibutso rw’Akarere rwa Bunyonga rwa Jenoside yakorewe Abatutsi mu 1994 habereye igikorwa cyo kwibuka ku nshuro ya 31 Jenoside yakorewe Abatutsi mu 1994. 
-Umushyitsi mukuru yari Hon. Senateri Mukakarangwa Clotilde, hari kandi Umuyobozi w’Akarere Dr. Nahayo Sylvere na bagenzi be bagize komite nyobozi y’Akarere, Hon. Depite Uwamahoro Prisca, abagize inama y’umutekano itaguye y’Akarere ka Kamonyi, Perezida w’Umuryango IBUKA mu Karere bwana Benedata Zacharie, inshuti n’abavandimwe baje kwifatanya n’abaturage b’Umurenge wa Karama mu gikorwa cyo kwibuka. 
Uyu munsi kandi hashyinguwe mu rwibutso rwa Bunyonga, imibiri 16 y’Abazize Jenoside Yakorewe Abatutsi mu 1994, habayeho kandi gushyira indabo ku rwibutso mu rwego rwo kwibuka no kunamira Abatutsi bazize Jenoside bashyinguye mu rwibutso rwa Bunyonga.