Mu gitondo cyo kuwa 17 Mata 2025 Umuyobozi w'Akarere Dr. NAHAYO Sylvere yayoboye umuhango wo gushyikiriza inka imiryango 16 iri mu nzira yo kwikura mu bukene (graduation policy).

Izi nka zorojwe iyi miryango ku bufatanye bw'Akarere ka Kamonyi na Presbytery ya Remera yari ihagarariwe n'Umuyobozi wayo Rev. Pasteur BIZIMANA Jerome Paroisse Musambira ku nkunga ya Compassion International.

Muri uyu muhango Umuyobozi w'Akarere yatanze ubutumwa butandukanye bushishikariza abazihawe kuzifata neza no gukomeza kwitabira gahunda za Leta muri rusange.