Ku cyumweru tariki 27 Ukwakira 2024 mu Murenge wa Mugina Ku kibuga cy'umupira cya Mugina hatangijwe  ubukangurambaga binyuze mu mupira w'amaguru hagamijwe kugarura abana mu ishuri ku baritaye, iyi gahunda kandi yari igamije no kwibukiranya indangagaciro na kirazira ziri mu muco nyarwanda nk’isooko y’ubumwe n’ubudaheranwa bw’abanyarwanda.
Iyi gahunda yitabiriwe n’Umuyobozi w'Akarere Dr.NAHAYO Sylvere ari kumwe n'Umushumba Mukuru w'Itorero ADEPR mu Rwanda Reverand Pasteur NDAYIZEYE Isaie yari kumwe n’Umushumba w'Ururembo rwa Nyabisindu mu Itorero ADEPR  Pastor NIMURAGIRE Jean Marie Vianny, Abagize inzego z'umutekano  mu Karere n’abandi bafatanyabikorwa. Itorero ADEPR niryo ryateye inkunga iyi gahunda y’imikino.
 Abitabiriye bakurikiye umukino wahuje ikipe y'abakobwa ba GS Kivumu na EP JENDA ndetse n’ikipe y'abahungu ba GS Kivumu na GS Cyeru.