Kuwa wa 19 Kanama 2025 mu cyumba cy'inama Chris Hotel iherereye mu Murenge wa Runda habereye inama nyunguranabitekerezo ku mushinga “zero out of school” uterwa inkunga na “Save The Children”, hagamijwe gufata ingamba zo gukumira abana bata ishuri. Ni gahunda izafasha kuzamura ireme ry’uburezi ndetse no guhashya ubuzererezi mu rubyiruko, ibi bikazatuma igihugu kigira urubyiruko rufite ubumenyi n’ubushobozi bwo kwibeshaho kandi rufite imyitwarire mizima kuko ruzaba rwaranyuze mu ishuri. 

Inama yayobowe n'umuyobozi w'Akarere Wungirije Ushinzwe Imibereho myiza Madame UWIRINGIRA Marie Josée iyi nama yitabiriwe n'uhagarariye save the Children "Education Specialist" Madamu KABARUNGI Noella,Umuyobozi wa ‘Zero out of School Project” mu Ntara y'Amajyepfo Bwana Akili Jean Claude, abagize inama y'umutekano itaguye y'Akarere, abanyamabanga Nshingwabikorwa b'Imirenge, abakozi bo mu ishami ry'uburezi mu Karere, uhagarariye urubyiruko rw'abakorerabushake ku Karere, Uhagarariye inama y’Igihugu y’abagore mu Karere, uhagarariye Inama y’Igihugu y’Urubyiruko mu Karere, uhagarariye urugaga rw'Imiryango ishingiye ku myemerere mu Karere, Abashimzwe uburezi mu Mirenge, abayobozi b'amashuri bahagarariye abandi mu Mirenge.