Nkuko bisanzwe buri wa kabiri w’icyumweru, ku gicamunsi cyo kuwa 09 Nzeri 2025 mu Tugari twose inteko z’abaturage zateranye. Muri ibi biganiro bihuza abaturage n’ubuyobozi muri rusange ku kwicungira umutekano, kwirinda ubusinzi n’ibiyobyabwenge, gukumira no kwirinda amakimbirane mu miryango, gukumira ubuzererezi mu bana, kwirinda impanuka zo mu muhanda.

By’umwihariko mu Kagari ka Gihinga Umurenge wa Gacurabwenge, hanaganiriwe ku mikorere y’urwego rw’abunzi iki kiganiro kikaba cyatanzwe n’abagize komite mpuzabikorwa y'Ubutabera ku rwego rw'Akarere yari iyobowe n'Umushinjacyaha mu rukiko rw'Ibanze rwa Gacurabwenge. Mu nteko zose kandi hanabayeho kwakira no gukemura ibibazo abaturage bashyikirije ubuyobozi.

Mu butumwa bwe, Umuyobozi w’Akarere yabwiye abitabiriye inteko mu Kagari ka Gihinga ko inteko z’abaturage ari urubuga ruhuza ubuyobozi n’abaturage kandi ni uburyo bwatekerejweho mu rwego rwo gufasha umuturage kurushaho gukorana n’ubuyobozi mu ngeri zitandukanye.

Umuyobozi w’Akarere Dr. Nahayo Sylvere ari kumwe n’Umuyobozi wa Polisi mu Karere SSP Fulgence Furaha bitabiriye inteko mu Kagari ka Gihinga Umurenge wa Gacurabwenge. Umuyobozi w’Akarere Wungirije Ushinzwe VM Imibereho Myiza Mme Uwiringira Marie Josee yitabiriye inteko mu Kagari ka Karengera Umurenge wa Musambira naho Umuyobozi w’Akarere Wungirije Ushinzwe ubukungu bwana Niyongira Uzziel yari mu Kagari ka Mbati Umurenge wa Mugina.