Itsinda ry’Intara riyobowe na Mme UWIHOREYE Jeanne Visi Peresidante w’Amakoperative y’abari  n'Abategarugori ku rwego rw'Intara y'Amajyepfo; ari kumwe na Komiseri ushinzwe imiyoborere myiza  mu Nama y'Igihugu y'abagore, ku cyumweru tariki 29 Gicurasi 2022 bakoze isuzuma ry’imihigo ya mutimawurugo mu Karere ka Kamonyi.

Gahunda yabimburiwe no gusuzuma imihigo mu nyandiko iyi gahunda ikaba yarabereye ku cyicaro cy’Akarere aho Umuhuzabikorwa wa CNF mu Karere |Mme MUSABYIMANA Marie Goretti afatanyije na CNF mu Mirenge bagaragarije abagize itsinda raporo y’ibyakozwe, hakurikiyeho gusura ibikorwa mu Murenge wa RUKOMA.

Nyuma y’iri suzuma mu nyandiko, hasuwe ibyagezweho mu Murenge wa Rukoma Akagari ka Buguri Umudugudu wa Tunza. Muri uyu Murenge abagize itsinda basuye itsinda rikoresha ikoranabuhanga mu kubitsa no kugurizanya, Abafashijwe kwiga ubumenyingiro, isuku mu ngo muri rusange, ibyagezweho mu kurwanya imirire mibi n'igwingira igikoni, ECD, imiryango yavuye mu makimbirane. Hasuwe umugore waremewe muri gahunda ya one hundred women n’Uburyo bukoreshwa mu kurondereza ibicanwa.
Iyi gahunda yitabiriwe ku rwego rw'Akarere n’Umuyobozi w'Akarere wungirije ushinzwe imibereho myiza y'abaturage Madame UWIRINGIRA Marie Josée akaba ari nawe wabahaye ikaze, umukozi ushinzwe imiyoborere myiza y'abaturage mukarere ka Kamonyi, ushinzwe iterambere ry'Umuryango mu karere ka Kamonyi,Umuhuzabikorwa wa CNF ku rwego rw'Akarere ari kumwe na bagenzi be bahagarariye abandi mu nzego z'abagore n'urubyiruko, abahuzabikorwa ba CNF mu Mirenge b'imirenge.
Mugusura umudugudu wa mutimawurugo baakiriwe n'umunyamabanga nshingwabikorwa w'umurenge wa Rukoma bwana NKURUNZIZA Jean Je Dieu, umukozi ushinzwe imibereho myiza, abajyanama b'ubuzima, abajyanama b'Umurenge n’abandi bari mu nzego z'ibanze kuva mu Murenge kugera mu Mudugudu.