Tariki 19 Gicurasi 2025, ku biro by’Akarere habereye inama yayobowe na Guverineri w’Intara y’Amajyepfo Mme KAYITESI Alice hifashishijwe ikoranabuhanga (videoconference) ari kumwe n’umunyamabanga Nshingwabikorwa w’Intara bwana Nshimiyimana Vedaste. 
Ni inama yitabiriwe ku rwego rw’Akarere ka Kamonyi na bwana Niyongira Uzziel Umuyobozi w’Akarere Wungirije Ushinzwe ubukungu bwana Niyongira Uzziel ari kumwe n’abagize komite nyobozi y’Akarere, abagize inama y’umutekano y’Akarere n’abanyamabanga Nshingwabikorwa b’Imirenge n’abakozi ku biro by’Akarere.

Mu nama hagarutswe ku gukemura ibibazo bibangamiye imibereho y’abaturage aho buri Karere kagaragaje uko gahagaze muri iyi gahunda n’ingamba bafite. Akarere ka Kamonyi kagaragaje uko gahagaze mu gukemura ibi bibazo, Umuyobozi yagaragaje ko habayeho kongerewe Ingengo y’Imari izakoreshwa mu gukemura ibibazo bibangamiye imibereho myiza y’abaturage mu mwaka w’ingengo y’imari utaha wa  2025-2026.

Hagiye kandi gukomeza kwita ku bikorwa by’umuganda ku rwego rw’Umudugudu mu rwego rwo gukemura ibibazo bibangamiye imibereho myiza y’abaturage byerekeye kubaka amazu n’ubwiherero ku batabufite, gufatanya n’abafatanyabikorwa b’Akarere mu gukemura ibibazo bibangamiye ibibazo bibangamiye imibereho myiza y’abaturage hashakwa ibikoresho nk’amabati n’ubundi bufasha bukenewe. 

Ubuyobozi buzakomeza gukora ubukangurambaga bugamije gukangurira abaturage kugira isuku n’isukura mu ngo, ku mubiri n’ahahurira abantu benshi.