Ku gicamunsi cyo kuwa 23 Ugushyingo 2023 Umuyobozi w’Akarere Dr. NAHAYO Sylvere yayoboye ku cyicaro cy’Akarere inama y’umutekano yaguye y’Akarere. Abitabiriye basabwe ubufatanye by’umwihariko buri kwibasira amatungo cyane cyane inka, hagakorwa irondo rihoraho kandi rikagenzurwa neza kuko iki kibazo kigomba kurangira.

Ni inama yitabiriwe n’Umuyobozi wa Polisi mu Karere Supt. of Police Francis Karemera, Umuyobozi w’Urwego rw’Inkeragutabara, abakuriye sitasiyo za Polisi mu Mirenge, abakuriye inkeragutabara mu Mirenge, abanyamabanga Nshingwabikorwa b’Imirenge, abanyamabanga Nshingwabikorwa b’Utugari n’abahuzabikorwa b’urwego rwa DASSO mu Mirenge.

Uretse iki kibazo cy’ubujura bw’amatungo, abitabiriye barebeye hamwe uko umutekano wifashe muri rusange n’ingamba zo gukomeza kuwusigasira hibandwa ku ikorwa ry’amarondo kandi akagenzurwa neza, kandi biyemeje gukomeza guhanahana amakuru mu rwego rwo gukumira icyaha kitaraba.